Mekdebimiziň täzelikleri

     2024-nji ýylyň 06-njy maýynda Daşoguz welaýat maliýe-ykdysady orta hünär okuw mekdebiniň talyp ýaşlary bilen temmäki we alkogol önümleriniň ýaýramagynyň we ulanylmagynyň zyýanly netijelerini duýdurmak hem-de olaryň öňüni almak boýunça wagyz-nesihat duşuşygy geçirildi. Bu duşuşyga Daşoguz welaýat Polisiýa müdirliginiň 4-nji bölüminiň işgäri Tawus Ýagmyrowa gatnaşdy. Ol ilatyň arasynda sagdyn durmuş kadalaryny wagyz-nesihat etmek we giňden ornaşdyrmak, temmäkä garşy göreşmek, raýatlaryň saglyk ýagdaýyny has-da gowulandyrmak we abadançylygyny ýokarlandyrmak, adam ömrüniň dowamlylygyny artdyrmak, Türkmenistany 2025-nji ýyla çenli temmäkiden azat ýurda öwürmek üçin netijeli çäreleriň durmuşa geçirilýändigi barada talyplara gürrüň berdi. Magtymguly Pyragynyň zyýanly endiklerden ägä bolmak baradaky goşgylary bu duşuşygyň has täsirli geçmegini gazandyrdy.