TALYP-ÝEŇIJI
337Hormatly Prezidentimiziň ýurtda köpçülikleýin bedenterbiýäni we ýokary derejeli sporty ösdürmek boýunça öňe sürýän ýörelgelerini amala aşyrmak üçin Türkmenistanda ähli mümkinçilikler döredilýär. Daşoguz welaýatynyň sport we ýaşlar syýasaty Baş müdirligi tarapyndan şu ýylyň 19-20-nji maýynda, sportuň grek-rim göreşi boýunça ýaş sportçy oglanlaryň arasynda ýaryş geçirildi. Bu ýaryşa biziň mekdebimiziň ýagny Daşoguz welaýat maliýe-ykdysady orta hünär okuw mekdebimiziň “Ykdysadyýet we sanly maglumat tehnologiýalary” hünäriniň 1-nji ýyl talyby Saryýew Yhlas gatnaşyp 1-nji orna mynasyp boldy. Saryýew Yhlas gurama tarapyndan hormat haty we gymmat bahaly sylaglar bilen sylaglandy.
“Halkyň Arkadagly zamanasy” ýylynda beýik işler amala aşyrýan hormatly Prezidentimize berk jan saglyk, uzak ömür, asylly işlerinde rowaçlyk arzuw edýäris!
Maýa Gaýypowa, Daşoguz welaýat maliýe-ykdysady orta hünär okuw mekdebiniň mugallymy.
