Bag ekmek dabarasy geçirildi
317Türkmenistanda 2022-nji ýylyň 20-nji martynda ählihalk bag ekmek dabarasy geçirmek baradaky Karara Hökümetiň 4-nji martda geçirilen mejlisinde gol çekilipdi. Ýurdumyzda ekologiýa abadançylygyny üpjün etmek we tokaý zolaklarynyň çägini giňeltmek boýunça döwlet Baştutanynyň tabşyrygyna laýyklykda, şu ýyl saýaly, pürli, miweli baglaryň we üzümiň jemi 3 million düýbüni ekmek göz öňünde tutuldy. Türkmen Lideriniň Karary bilen, ministrliklere, pudaklaýyn dolandyryş edaralaryna, welaýatlaryň we Aşgabat şäheriniň häkimliklerine ählihalk bag ekmek dabarasynyň ýokary guramaçylykly geçirilmegini üpjün etmek tabşyryldy.
Şu karary ýerine ýetirmek maksady bilen biziň Daşoguz welaýat maliýe-ykdysady orta hünär okuw mekdebimizde hem giňişleýin bag ekmek dabarasy geçirildi. Miweli we saýaly baglaryň birnäçesi oturdyldy, arassaçylyk işleri geçirildi. Dabara mugallymlar, işgärler we talyp ýaşlar uly ruhubelentlik bilen işjeň gatnaşdylar.
