Yrymly yrylmaz
205 Täze ýyl arçasy bezelýän wagty, säwlik bilen jäjek döwülse, bu geljek ýylyň girdejili boljagyndan nyşandyr. Özem gyýçaklary näçe ownuk bolsa, girdeji şolar ýaly ownuk, näçe uly bolsa girdeji şonça-da köp bolarmyş. Gyýçaklary zibile oklanyňyz da-da, ýagşy arzuwlary içiňizden gaýtalamaly.
Täze ýyl öý bikeleri üçin hem hysyrdyly bolýar. Eger şol hereketleriň arasynda, bosagada sag aýagyňyz bilen büdreseňiz gynanmaň! Sebäbi bu ýagdaý üstünlikden nyşandyr.
Söwda bilen meşgullanýan adamlar täze ýylyň ilkinji güni müşderisiniň islän harydyny berip, alyjyny boş goýbermeli däldir. Şol pursat söwdasy oňan söwdagäriň bütin ýyl işi şowuna bolup, girdejisi artar.
Täze ýylda ýüregiňizde beslän iň gowy arzuwlaryňyzy kagyza ýazyp, göze görnüp durar ýaly ýerde ýerleşdiriň! Şol arzuwlaryň täze ýylda hasyl boljakdygyna ynanyň!
Täze ýylda näçe köp adamy gutlap, gowy arzuwlary etseňiz, öz durmuşyňyzda hem şol arzuwlar hasyl bolar.
Toplan Akgözel GAZAKOWA,
Daşoguz welaýat maliýe-ykdysady orta hünär okuw mekdebiniň talyby
2021-nji ýylyň 30-njy dekabry (Daşoguz habarlary)
